CECI FOTOMUSIC

  1. FeNd and De´S!!!

2013- 2014

Todo o meu mundo xira e xira sen parar ao compás da música dende ben cativiña porque o meu avó que era músico aprendeume pacientemente a "Solfa" e a escoita musical, porque o meu pai amaba inmensamente a música e sempre me acompañou no meu camiño musical, porque a miña nai me deu a oportunidade de encamiñarme no mundo da aprendizaxe musical e porque tiven a sorte do mundo mundial porque a vida me agasallou con dúas lindas mestras que me axudaron a descubrir os marabillosos segredos do mundo musical.

Cando a miña aventura vital chegou a ese punto no que tes que tomar a decisiva decisión de cal vai ser o camiño laboral a seguir o resto da túa vida souben que me encantaría intentar despertar a curativa "afición", a magnífica paixón e/ou a marabillosa profesión musical no mundo cativo do meu alumnado para que nun futuro oxalá non moi afastado consigan con todo o seu amor pola Música ser o motor do cambio para vivir nun musical mundo mellor.

Así que imaxinádevos cal foi a miña alegre sorpresa cando un día por arte de birlibirloque chegaron Fer, Nacho, Dani e Sara no tempiño do recreo a nosa aula de Música porque con gran ánimo querían vir a ensaiar no seu tempiño de descanso para preparar un pequeno gran concerto musical para o festival de fin de curso.

Sen dubidalo puxémonos mans á creación musical e con gran entusiasmo día a día conseguimos un marabilloso grupiño musical que foi unha inmensa fonte de felicidade para min como profe e como persoa nunha fase da miña vida que estaba sendo un pouquiño bastante difícil pola inmensa diversidade funcional de Icía.

Como era de esperar chegou o gran día no que o soño de "FeNd and De´s" se fixo realidade e foi un intre musical que xamais esqueceremos ningún dos cinco porque despois de moitos e moitos ensaios musicais creamos unha perfecta harmonía melódica que conseguiu facer vibrar a un público ben entregado para tod@s xuntiñ@s vivir acompasadamente unha inolvidable aventura musical.

FeNd and De´s sempre no meu corazón!!!

Music for ever!!!

_________________________________________________

  2. TOP SECRET!!!

2014- 2015

Tras vivir grandes intres musicais e vitais con FeNd and De´s nos ensaios mil no noso tempiño de descanso escolar e no marabilloso concerto finalis que a miña mente e o meu corazón estaban cheíños de notas e máis notas desexando que o destino nalgún momento da miña vida profesional estivera disposto a agasallarme con máis e máis cativada con gran potencial musical.

O destino portándose moito bene comigo non me fixo agardar demasiado tempiño porque poucos  meses máis tarde; Sara, Anxo, Alberto e Noa en total e absoluto segredo, porque así foi o seu desexo, viñan con toda a ilusión do mundo mundial á nosa aula de Música no tempiño de lecer escolar para cantar e tocar sen parar pensando en dar un concerto musical.

En cada ensaio, pasiño a pasiño, meus músicos lindos foron superando dificultades, medos e demais cousiñas limitantes e foron facendo inmensamente máis grande todo o seu potencial musical e persoal nunha linda combinación musical a catro bandas.

Ese ano académico pasou algo que non contabamos ningún dos cinco e que eu xa non lembro moi ben o motivo pero non tivo lugar o esperado festival de fin de curso. Tras un triste intre de derrota pola sensación de frustración dos catro músicos por non poder facer o seu concerto, a luz inspiradora da miña cabeciña activouse e propúxenlles que podiamos facer un concerto con cada un dos meus grupiños de alumn@s e aceptaron encantad@s da vida.

Esta miña idea resultou ser un grandísimo agasallo da vida porque @s cinco puidemos desfrutar milleiros de veces a nosa paixón pola música con cada grupiño de asombrad@s espectadores que desfrutaron nota a nota da fermosa maxia creada por catro máis unha amantes da música.

Grandes momentos musicais vividos con Top Secret que sempre permanecerán anconrados na miña mente e no meu corazón.

Top Secret graciñas mil por todo o vivido!!!

Music for ever!!!

__________________________________________________

    3. A ORQUESTRA DO TEMPO DE LECER!!!

2021- 2022

Tras uns aniños de interminable espera, por diversos motivos como a situación insólita que nos tocou vivir polo mal bichiño que nos obrigou a cambiar o curso do noso río musical, este ano, para a miña inmensa alegría, volveu a renacer a maxia musical na nosa aula de Música.

Todo comezou polo noso querido Diego que un inesperado e marabilloso día animouse a pedirme naturalmente se podía vir a practicar o piano no seu tempiño de lecer...

05-11-2021

Nos seus primeiros ensaios, pasiño a pasiño, foise xuntando un bo grupiño de compis que querían acompañar ao noso intrépido pianista na súa aventura musical...

29-11-2021

A cousiña foise animando pouquiño a pouquiño e moi pronto Oumaima estaba iniciando o seu novo camiño pianístico; Mauro e Dani decidiron practicar nos xilófonos as súas habilidades musicais e Carla, Erea e Laura descubriron que xuntiñas podían crecer musicalmente en todas as direccións inimaxinables. Tod@s foron creando un máxico ambiente no noso tempo de lecer cun fermosísimo toque musical...

25-01-2022

Cada día no seu tempo de lecer, un bo grupiño de animosos músicos de 6ºD asomaba a cabeza, pola máxica porta do pasadizo segredo que sempre os invita a experimentar, descubrir e vivir aventuras fantasticamente musicais no marabilloso mundo da nosa aula musical...

28-01-2022

O asunto da cuestión musical estaba a ser moi emocionante para vin porque cada intrépido músico se estaba animando con gran entusiasmo a probar a fantástica sonoridade de todos os instrumentos da nosa aula de Música e inclusive, un día a nosa musical Erea agasallou ao noso aventureiro grupiño cunha magnífica posibilidade de descubrir o seu instrumento base que é nada máis e nada menos que un violín...

01-02-2022

As boas novas musicais vividas no noso tempiño de lecer pronto foron pasando de boca en boca entre todo o alumnado de sexto e pouquiño a pouquiño foron aparecendo novos músicos de todos os demais grupiños con ganiñas de descubrir por si mesmos o que estaba acontecendo na máxica aula de Música do noso intrépido cole...

08-02-2022

En cada tempiño de recreo aparecían novos músicos con ganiñas de vivir un breve pero intenso intre musical e  nunha desas visitas apareceu un alumno bastante máis cativo de idade ca maioría pero cunhas xigantescas ganiñas de descubrir o mundo musical da guitarra guitarreira...

08-02-2022

Como ben podedes comprobar ao longo desta aventura musical, o número de intrépidos músicos ía subindo nun sutil pero intenso crescendo polo que a miña toliña cabeciña decidiu propoñerlles montar unha orquetra musical...

10-02-2022

Uns músicos quedaron porque infinito era o seu entusiasmo, outros marcharon porque a tempo de lecer no patio estaba a chamar as súas xoguetonas portas e outros apareceron con ganiñas de descubrir o seu propio universo compartido musical...

18-02-2022

Durante un tempiño, algúns dos meus queridos músicos parecían non saber se ir ao recreo ou quedar no noso universo musical porque as súas curiosas mentes e os seus agarimosos corazóns non sabían con certeza o mellor camiño a tomar...

03-03-2022

Para a miña ledicia persoal e profesional, algúns dos meus lindos músicos xa eran realmente incondicionais e sen ausencia algunha seguían a vir cun marabilloso interese musical...

07-03-2022

Na recta finalis do segundo trimestre a nosa orquestra do tempo de lecer xa tiña un moi xeitosiño e fantástico feixe de músicos que notiña a notiña foi conseguindo sentir no seu mundo interior individual a fortaleza enerxética positiva deste diverso grupiño musical...

10-03-2022

A miña linda orquestra do tempo de lecer estaba cheíña de marabillosos músicos que conseguiron facer vibrar intensamente a miña alegría musical ao escoitar a súa marabillosa interpretación finalis porque un novo trimestre está a punto de comezar e non tod@s se quedarán...

29-03-2022

No último trimestre aínda tiven a sorte de contar cun bo grupño de músicos aventureiros que quixeron seguir gozando da nosa orquestra musical no seu tempiño de lecer. 

Ademais de seguir a tope coa nosa música, xa sabedes que no noso recuncho musical sempre  anda polo aire a máis linda maxia que fixo nacer na miña cabeciña un novo impulso de crear un novo mural sobre a DiverCapacidade para decorar o taboleiro da entrada ao noso máxico mundo musical e darlle así o toque final a decoración escolar da "DiverCapacidade" do noso intrépido centro educativo que foi emerxendo ao longo deste aniño académico na miña cabeciñas e que as miñas mans foron facendo realidade paseniño a paseniño.

AULA MÚSICA

DINAMIZACIÓN GALEGO

PLURILINGÜE ENGLISH

Así que pensando, pensando e pensando acendeuse a miña lámpada pensativa cunha artística idea que necesitaba da magnífica visión e representación creativa de Emily para plasmar a Icía e a "moi" nun marabilloso debuxo que en combinación coas miñas bailarinas letras xa forma parte da nosa vivencia creativa conxunta para sempre nos nosos corazóns e nas nosas cabeciñas...

EMILY, SEMPRE NO NOSO CORAZÓN!!!

Graciñas mil a toda a miña querida cativada que decidiu pasar algúns ou todos os seus tempiños de lecer na miña musical e creativa compañía porque para min sempre é marabillosamente fantástico vivir estas aventuras escolares e vitais con esta miúda xentiña tan artisticamente linda.

GRACIÑAS MIL A TUTTI!!!

Music e Art for ever!!!

__________________________________________________

 4. UNHA PERFECTA COMPOSICIÓN MusicVital NA "DiverCapacidade"!!!

2019- 2022

Tras miles e miles de estimulantes conversas co noso mellor compañeiro de aventura familiar, coas nosas inspiradoras familias diversas (Ruí&Family e Lúa&Family), co marabilloso profesorado de atención domiciliaria da nosa pequerrechiña (o profe BruLoFer, a profe MarOuPar e a profe MaGonRi), coa súa fermosa fisioterapeuta IrMarGo e coa nosa sorrinte logopeda VanEsBlan dimos un grandísimo pasiño para vivir intensamente marabillosas aventuras escolares e vitais no noso dinámico centro educativo con toda a cativada do grupo de referencia da nosa intrépida aventureira Icía durante uns aniños nos que fomos crecendo ben xuntiñ@s e aprendendo ao compás das nosas aventuras escolares que ao longo das nosas vidas sempre debemos intentar facer máis pequenos os nosos "Limits" e sempre debemos perseguir facer máis grandes os nosos "Powers" para soñar cun marabilloso mundo cheíño da máis linda "DiverCapacidade".

ICÍA POWER 2019

Para iniciar o camiño que mellor xeitiño que levando a nosa pequerrechiña ao cole na mellor das compañías inimaxinables, a nosa linda profe MaGonRi, para dar o primeiro de moitos pasos posteriores nunha senda ben marabillosamente enriquecedora, para contarlles toda a aventura vital, terapéutica e escolar da nosa pequena-gran aventureira Icía a unha cativada que quedou ben namorada...

23-05-2019

Tras o marabilloso e enriquecedor primer paso dado en todas as direccións posibles e ante as múltiples peticións da linda cativada de compis de Icía de vivir unha nova aventura coa nosa particular aventureira decidimos voltar para poñer en marcha unha das máis máxicas ideas da profe MaGonRi para pintar ao "Xeito de Icía" e o resultado foi simplemente un fantástico universo de cores que sempre quedarán gravados nas nosas mentes e nos nosos corazóns...

17-06-2019

Graciñas mil a toda a nosa linda xentiña que sempre nos axuda a avanzar, a todo o profesorado do noso dinámico centro educativo que nos acompañou agarimosamente nesta colorística aventura, a todo o grupiño de compis de Icía pola súa agarimosa naturalidade, a nosa fermosa orientadora VanGil que nos impulsou cara adiante co seu gran sorriso e a nosa linda profe MaGonRi por axudarme a facer realidade unha idea que levaba moito tempiño dando voltas na miña toliña cabeciña...

Ceci FotoMusic

________________________________________________

Continuará...